Vitet e vështira të mësueses për të fituar pafajësinë

Historia e një mësuese është sa tragjike aq edhe e frikshme.

Rebecca Whitehurst nuk dëshiron të shkelë më kurrë në një shkollë, pas një ngjarje shqetësuese që ka përjetuar.

Ajo gjithashtu dëshiron që të gjitha mësueset, veçanërisht ato femra, të mbajnë kamera në çdo klasë dhe që mësuesit të mos jenë në turn vetëm gjatë punës.

“Unë mendoj se mësuesit nuk duhet të jenë kurrë vetëm me fëmijët, duhet të jetë gjithmonë dikush tjetër atje. E di që është dramatike, por nuk dua që ajo që më ndodhi t’i ndodhë askujt tjetër”, tha ajo.

Whitehurst, e cila është e martuar me dy fëmijë ka qenë mësuese e gjuhëve moderne për më shumë se dhjetë vjet, ndërsa e përshkruan situaten ku u perfshi si një “histori horror e kohes moderne”.

Javën e kaluar 46-vjeçarja nuk i mbajti dot lotët, ndërsa një gjykatën në Minshull Street të Mançesterit e liroi atë nga dy akuza për aktivitet seksual me një fëmijë dhe një për komunikim seksual.

Ajo ishte akuzuar për një akt seksual me një nxënës 15-vjeçar dhe për dërgimin e mesazhe seksuale, duke përfshirë një fotografi të gjoksit të saj.

Gjykata dëgjoi edhe adoleshentin, i cili kishte deklaruar se ishte i dashuruar me Whitehurst, dhe u fiksua pas saj,. Në këtë mënyrë gënjeu ose falsifikoi mesazhet.

Djali, i cili shikonte pornografi që përfshinte gra të moshuara, e sulmoi atë në klasën e saj dhe i dërgoi një mesazh abuziv vajzës së saj, u tha në gjykatë.

Familja shpenzoi 43,000 £ për të ndjekur këtë çështje, e cila u zvarrit për tre vjet.

Nëse dënohej, ajo do të përballej me 14 vjet burg.

Duke folur nga shtëpia e saj në Cheshire, ku burri i saj, Billy, një kontabilist, “ka qenë në mënyrë të pabesueshme mbështetës”, ajo tha se përvoja e saj ndonjëherë i dukej si një dramë televizive.

Adoleshenti e kishte akuzuar Whitehurst , por kishte dhënë edhe prova kontradiktore në gjykatë dhe pranoi se e kishte sulmuar.

Vitin e kaluar, një raport i Ofsted zbuloi se 90 për qind e vajzave dhe 50 për qind e djemve të anketuar nga inspektorati i shkollave thanë se atyre u ishin dërguar fotografi dhe mesazhe që nuk dëshironin t’i shihnin.

Një sondazh për Bordin Britanik të Klasifikimit të Filmit vitin e kaluar zbuloi se pothuajse gjysma e 16 dhe 17-vjeçarëve kishin parë kohët e fundit pornografi.

Shifrat nga NHS Digital zbuluan se një në gjashtë fëmijë në Angli kishte një çrregullim të mundshëm të shëndetit mendor vitin e kaluar, nga një në nëntë në vitin 2017.

Sprova e Whitehurst filloi në prill 2019. Shkolla e djemve ku ajo mësonte frëngjisht, gjermanisht dhe spanjisht kishte paguar që ajo të ndiqte një kurs tre-ditor.

Një tjetër moment i rëndë është treguar nga kjo histori.

Nxënësi kishte hyri në klasën e Whitehurst-it, ndërsa ajo ishte vetëm dhe u përpoq të fuste me forcë gjuhën e tij në gojën e saj.

Whitehurst tha se sekreti nuk kishte të bënte me terrorizmin:

“Sekreti ishte se ai ishte i dashuruar me mua.  I thashë që asgjë e tillë nuk do të ndodhte kurrë dhe kishte pasur një keqkuptim. I thashë se duhej t’i tregoja shkollës. Ai thoshte ‘nuk do t’ju besojnë’ dhe se unë kisha bërë një gabim duke i dhënë atij emrin tim të përdoruesit në Snapchat. Duhet ta kisha raportuar por nuk e bëra dhe e di tani që ishte një gabim.”

Gjatë javëve të ardhshme ai i dha asaj një gjerdan dhe i dërgoi imazhe të zhveshura të tij të cilat ajo i fshiu.

Ai “i lutej” që ta takonte jashtë shkollës.

Ende e shqetësuar për gjendjen e tij shpirtërore, ajo e takoi atë disa herë në vende publike.

Në shkollë, Whitehurst doli vullnetare për detyra shtesë për t’u siguruar që ajo nuk ishte vetëm. Ajo aplikoi për punë në shkolla të tjera.

Por më vonë Whitehurst ra dakord me mësuesin kryesor që çështja do t’i raportohej policisë dhe oficerit të mbrojtjes së autoriteteve lokale dhe se ajo do të pezullohej në pritje të një hetimi.

Whitehurst u trondit në intervistën e saj të parë në polici, dy muaj më vonë, kur dëgjoi se djali e kishte akuzuar se kishte marrëdhënie seksuale me të dhe i dërgonte foto të gjoksit të saj.

Pasi u bë e qartë se çështja do të shkonte në gjykatë, Whitehurst ndërroi avokatët.

Ekipi i saj i ri udhëzoi një dëshmitar ekspert që të shikonte të dhënat e shkarkuara nga të dy telefonat.

Raporti  i cili i kushtoi familjes 8,000 £ – bëri të qartë se nuk kishte prova që një foto e gjoksit të saj ose një tekst që sugjeronte akte seksuale në natyrë ishte dërguar nga ajo ose marrë nga adoleshenti.

Megjithatë, çështja nuk u pushua.

Nëpërmjet lidhjes video, adoleshenti dha prova kontradiktore dhe pranoi sulmin ndaj Whitehurst.

Sakaq jurisë iu deshën më pak se tre orë për ta shfajësuar atë.

Rasti i Whitehurst mund të jetë ekstrem, por nuk është i izoluar.

Ekziston një faqe interneti në të cilën mësuesit ndajnë dhjetëra llogari të akuzave të rreme.

Sindikatat e mësuesve kërkuan vitin e kaluar që nxënësit që i bëjnë ata të përjashtohen.