Sali Berisha i përdor të gjithë, edhe Ramën. Hajdutët janë bashkë, si barrikadë antiamerikane në Ballkan.

Sokol Pepushaj

Sali Berisha i përdor të gjithë, edhe Bablokun. Hajdutët janë bashkë, si barrikadë antiamerikane në Ballkan.

Prangosja e Kryetarit  të Gjykatës Ekonomike Blazho Jovaniç në Mal të Zi, lexohet  si fund i zi për 4 Klanet Mafioze në Shqipëri.

Shtëpia e Bardhë, në ëndrrat e bardha të shqiptarëve, arreston Sali Berishën dhe Ilir Metën shumë shpejt. Më qartë, figurativisht, ata janë të arrestuar, pasi në rrjetet sociale, gjithë shqiptarët janë shprehur se i duan në burg.

Berisha dhe Meta, vlerësohen si dy antiamerikanë që  kanë nxjerrë “shpatën” publikisht kundër Washington-it, që demonstrojnë forcë, që vendosin “rregullat” për votuesit skllevër, për opozitën dhe pushtetin. Këta të dy, kanë tagër edhe mbi Bablokun. Mund ta nisin të “çmallet” me Hashim Thaçin në burgun e Hagës. Le të jetë ish Presidenti i Kosovës i ndaluar për krime kundër njerëzimit, le të jetë edhe Saliu ‘non-grata’ sot e Ilir Meta nesër, mesazhi i katër Klaneve Mafioze përcillet përmes Bablokut. Kryeministri, me skenar të dyshes Berisha-Meta, me kamera e reporter të paguar me taksa shqiptarësh,  zvarritet deri në Hagë për të bërë presion në mbrojtje të Sali Berishës.

Këta dy antiamerikanët publikë, kanë prapavijë aty dy të kamufluarit

Fermentoje sa të duash gjykimin, po produkti bio është ky. Dy antiamerikanët e kamufluar, me termat diplomatikë, janë kapot e dy Klaneve të tjera Mafioze, me zhargonin e përditshmërisë popullore janë, kush tjetër, përveçse Edi Rama dhe Fatos Nano.

Pra, Katër Klanet, janë këtu, mes nesh, duke vjedhur përditë e duke demonstruar arrogancë dhe antiamerikanizëm natë e ditë.

Kështu s’ka ndodhur kurrë, por gjithmonë historia njeh një çmenduri të parë.

Që Sali Berisha dhe Ilir Meta janë kaq të ashpër me Washington-in, nuk duhet lajmëruar si re e zezë përmbi Shqipëri.

Ashpërsia e Berishës dhe Metës lidhet me ëndrrat e “Shtëpisë së Bardhë”, Shtëpisë së Lirisë”, diplomacisë amerikane, pritshmërive të shqiptarëve dhe frikës së hajdutëve. Prandaj Babloku shtiret sikur kërkon arrestimin e Sali Berishës dhe Ilir Metës. Akuza e tij se gjithë shqiptarët i duan në burg Saliun dhe Ilirin, bëhet qesharake, jo për të pavërtetën, por pikërisht për të vërtetën e madhe.

As Babloku nuk është më i qetë se Saliu apo Iliri.

Që çdo shqiptar e do Sali Berishën dhe Ilir Metën pas hekurave, është gjysma e së vërtetës.  Çdo shqiptar kërkon arrestimin jo të dy, por të katër Klaneve Mafioze në komandë të ditëpërditshme të 20 familjeve kriminale. Apo nuk është kështu, Bablok?

Se është e thjeshtë, këta dy kapot e tjerë, ku janë?

Sikur nuk rri mirë projekti dy “Peshq” të Mëdhenj në rrjetë, e dy të lundrojnë të lirë nëpër pasuritë e shqiptarëve.

Vërtetë mund të thuash se jam kryeministër, se nuk jam hajdut, por a mund të thuash nga erdhi pasuria e vëlla Olsit, e gruas Linda apo banesa në Surrel?

Krejt kështu, edhe Sali Berisha, kërkon arrestim hajdutësh dhe betohet se është proamerikan. Më tej Bablok, a di gjë se si Fatos Nano i papunë prej 17 vitesh bën jetë luksi.  Ka qenë kryeministër si ju, si Aleksandër Meksi, si Pandeliu me 5 milion dollarë në Qipro, si Ilir Meta e të tjerët, prandaj shqiptarët duan ta dinë të vërtetën. Fatosi dhe ish-ët e tjerë pra, kanë asistencë sociale, prandaj jetojnë në luks, kursejnë miliona dollarë dhe provojnë fatin në bixhoz si sheikë. Por ne njohim nga afër një tip ish deputeti tjetër që paguhet po kaq dhe ka pasuri vetëm një biçikletë 20 dollarëshe. Selami Jenisheri, nuk fsheh asgjë. Ndryshe ndodh me hajdutët.

Poshtë “vesës” që mbulon pasuri të çmendura, keqqeverisje e keq-opozitarizëm, 4 Klanet janë bashkë. Ngjajnë me 4 kamikazë të lidhur në një fitil “dinamiti” . Po preke Saliun, Ilirin, Fatosin apo Edin, ka shpërthim të fortë, shembet Kështjella 32 vjeçare e Krimit.

Ja pra, Babloku shikon ëndrra me Saliun e Ilirin në burg, pasi po, janë të korruptuar, kurse vetveten dhe Fatosin i fantazon të lirë, pasi edhe kjo dihet, nuk janë të pakorruptuar.

Esenca kush është?

Hajdutët janë kapur dorë për dorë e fluturojnë nëpër ëndrra të gërvishtura. Flenë me frikë e ngrihen me frikë. Të gjithë janë pas Sali Berishës, pse jo edhe Lulzim Basha.  Kaq lexohet sot. Fundi i Saliut është arrestimi i 4 Klaneve Mafioze. Ja pse ngjan Edi Rama si një vegël e Sali Berishës./Pamfleti