Ish-kryeministri Sali Berisha thotë se për dy ngjarjet më të bujshme që ndodhën kur ai ishte në krye të vendit, “21 janari” dhe “Gërdeci” ka një hetim nga Ina Rama, por sipas tij ajo që nuk po hetohet është përgjegjësia direkte e Ramës.
Ai deklaroi se ka insistuar që të dyja këto ngjarje të shpallen si vrasje shtetërore pa dashje. Berisha i shpreh dakord që të bëhen hetime dhe rihetime, por theksoi se protesta më 21 janar kishte një axhendë politike.
“Për të dy ngjarjet ka një hetim nga Ina Rama, ajo që nuk është hetuar më 21 janar përgjegjësia direkte si organizator i Edi Ramës. Këtë nuk e them unë. merrni faktin që u sulmua një kryeministër në zyrë. Ka një ngjarja në 6 janar në kapitol hill. Pra ai që i solli mish për top njerëzit për të rrëzuar pushtetin e Berishës dhe që kjo nuk është e imja, por është e fiksuar në dokumente ndërkombëtare që kishte axhende politike protesta. jam dakord që të hetohet dhe rihetohet 100 herë, ju garantoj se përgjegjës kryesore është Edi Rama i cili solli ata mish për top për karrigen e tij dhe i vendosi për një axhende politike.
Sa i përket Gerdecit, një proces gjyqësor i drejtuar nga një prokurore politike, anti Berishë ka ndodhur janë dënuar 20 a 22 vetë prej tyre ka dënime 20 e 18, zyrtarët më të lartë të ushtrisë. Edi Rama prej 9 vitesh ka ruajtur të njëjtin kualifikim, aksident teknologjik. Pa dija dhe injoranca nuk e lejon atë të kuptojë domethënien e plotë të krimit shtetëror.
Krimi shtetëror është i dy llojeve, i qëllimshëm kur shteti vret me vetëdije, pa dashje kur ndodh sic ishte. Problemet e sigurisë të atij aktiviteti i kishte drejtoria i Mejkos. Për cka ish drejtuesi i saj u dënua.
Pse unë që kam insistuar që atë të shpallen vrasje shtetërorë pa dashje, sepse shpërblimi është tjetër, por ai nuk ka nocione për shtetin”, tha Berisha.
Berisha i shpall sfidë Ramës: E ftoj në një debat publik e t’ja themi njëri- tjetrit në sy të gjitha
Ish-kryeministri Sali Berisha e ka sfiduar kreun e qeverisë Edi Rama që të përballen në një debat publik.
Në një konferencë me mediat, Berisha tha: “E ftoj në një debat publik para jush, të dalë në mexhelis e t’ja themi njëri- tjetrit në sy të gjitha.
Unë kam punuar me firma kam firmosur t’i marrë të gjitha ato të vijë të dalë në publik.
Tua nxjerrë shqiptarëve ashtu si dilte ne plazh po jo fizikisht por moralisht. Se në jetën private të askujt nuk ndërhyj unë e kam ligj”.
A do ta padisë kryeministrin Rama për shpifje? Berisha: E garantoj se shumë shpejt do ta kuptojë që është vetëm fillimi i…
Ish-kryeministri Sali Berisha është pyetur se pse nuk e padit Edi Ramën për shpifje. Në një konferencë për mediat, Berisha tha se nuk mund të humbasë kohë me paditë, pasi sipas tij, Rama kontrollon çdo gjë.
Si përgjigje, Berisha thotë se është vetëm opozita e vërtetë. Ish-kryeministri thotë se opozita e vërtetë tmerron Edi Ramën.
“Siç e shihni ju, ai kontrollon çdo gjë. Kontrollon çdo gjë dhe të harxhosh kohë, se ka dhe koha çmimine e vetë. Unë i përgjigjem, bëj transparencë dhe mendoj se përgjigja më e shhkëlqyer është t’i japë si një opozitë e vërtetë e këtij vendi. Kjo e tmerron atë. E gjen veten të pashpresë. E garantoj se shumë shpejt do e kuptoj se është vetëm fillimi i opozitës së vërtetë. Nuk mund të pajtohet opozita me këtë situatë të paimagjinueshme të gjendjes” – tha Berisha.
Duke folur për inceneratorët, Berisha tha se Lefter Koka nuk po gjykohet për akuzën e korrupsionit, por vetëm për “thërrime” të vogla.
“A e dini ju që Lefteri nuk po gjykohet për ato që them unë këtu, ndonëse Prokuroria në aktakuzë e ka vendosur. Lefteri po gjykohet për thërrime. Jo për korrupsion. Merrni ju çështjen e Lefterit. Pse kjo? Sepse që në momentin që të kapet, që Lefteri të akuzohet për atë çka thotë aktakuza, ajo me shpejtësi ngjitet tek Engjëll Agaçi, tek Edi Rama dhe Arben Ahmetaj. Vetëm kjo e Elbasanit, të njëjtën gjë për Fierin. E njëjta gjë është me Tiranën. E dini, kontrata thotë, vitin e parë plehrat do të depozitohen duke paguar 29 euro për ton, ndonëse çmimi për depozitimin është vetëm 12 euro. Do paguhet me këtë çmim për të mbledhur fonde për procedura të mëtejshme.
Ka 5 vite që në fushën, në minierën e floririt, Rama-Veliaj, nuk paguhen 12 euro, por 29 euro. Po ta pyesësh hajdut-Veliajn, nuk di unë thotë se çfarë bën kompania. Pavarësisht se Sharra ka firmat e tij. Arben Ahmetaj nuk mundet, se nëse ka këmishë biologjike, Zoto është këmisha biologjike është e Arben Ahmetajt. Ish-menaxheri i Heremesit, kompanisë që ka vjedhur 13 milionë impulse Albtelecom-it. Arben Ahmetaj rri dhe vështron. Prokuroria bën sikur heton. Prandaj dhe Rama ka humbur në këtë. Një miku im më tha, e filloi detyrën, sipas OSBE-së, me 200 milionë të depozituar off-shore. Ajo është dhjetëfishuar tani, është bërë mal. Sepse nuk ka të ngopur” – tha Berisha.
