Qeveria shqiptare ka hapur garën për dhënien me koncesion të Portit të Vlorës, që parashikohet të kthehet në një port turistik, vetëm për pasagjerë dhe jo për peshkim apo industri të tjera.
Kompania fituese do të bëjë investimin e më pas të nxjerrë të ardhura përmes tarifave portuale.
Ministria e Infrastrukturës dhe Energjisë ka vendosur si vlerë minimale investim në këtë port shumën prej 22.7 milion Eurosh pa TVSH, ndërsa kohëzgjatja e operimit nga privati do të jetë për 35 vjet, e më pas porti do të transferohet në pronësi të shtetit.
Porti turistik do të ndërtohet në zonën që sot përdoret për disa operacione tregtare. Ofertat për kompanitë e interesuara do të jenë të hapura deri më 26 shkurt.
