Një çift të moshuarish u dhunuan nga disa persona që kishin hyrë në shtëpinë e tyre për t’i grabitur.
Ngjarja e rëndë ka ndodhur pasditen e djeshme në fshatin Zik-Xhafaj të Kavajës.
Në një intervistë për News 24, 70-vjeçari Xhaferr Dervishi tha se në kohën kur ndodhi ngjarja ishte vetëm me gruan e tij, ndërsa theksoi se nuk i njihnin autorët.
“Ne kemi një kuzhinë të vogël. Ra dera dhe thamë; ‘hyni’. Sa hapa derën, nisën të na torturonin. Na lidhën sytë dhe na dhunuan. Na kërkuan lekë, por unë u thash se; “kam 100 mijë lekë të pensionit, ua jap”. Dy veta ishin me maskë. Shteti të zbardhë ngjarjen, të gjejë autorët”,- tha i moshuari.
Ai ndodhet i shtruar në spital, pasi ka pësuar dëmtime në kokë. I moshuari tha gjithashtu se grabitësit i kanë rrahur me hunj, sende të forta dhe grushta.
Siç shihet në pamje, ai ka marrë disa qepje në kokë dhe në fytyrë, si pasojë e dhunës barbare.
Bashkëshortja e tij tha se pasi i kanë rrahur grabitësit e kanë mbyllur shtëpinë nga jashtë dhe ka dalë nga dritarja me burrin e më pas kishin kërkuar ndihmë tek fqinjët.
nga shtrati i një krevati i spitalit, ku gjurmët e dhunës shihen qartë. 70-vjeçari ka pësuar goditje të forta në kokë, ndërsa njollat e gjakut janë ende të freskëta
Çifti i të moshuarve jetonin vetëm në banesë, pasi katër fëmijët e tyre ndodhen në emigracion në Itali.
