Zbardhet dëshmia e oficerit për drogën e kapur në Greqi/ Shqiptarët u zbuluan…

Mediat greke kanë dhënë detaje të reja në lidhje me 1.6 tonët e drogës të kapura nga autoritetet vendase.

Sipas dëshmisë së një oficeri grek, mësohet se grupi kriminal është zbuluar nga shërbimet amerikane dhe drejtohej nga shqiptarët.

Ai është shprehur po ashtu se në këtë operacion, kanë marrë pjesë edhe shërbimet italiane dhe ato greke.

Oficeri mësohet se ka thënë se gomonet ngarkonin drogën në Shqipëri, bënin xhiron e Peloponezit për të shmangur Isthmon dhe përdornin gomone me 3 dhe 4 motorë për transportin e drogës. Sipas po të njëjtit burim thuhet se gomonet niseshin natën ose herët në mëngjes për të çuar ngarkesën.